വാതിലിനപ്പുറം കേള്ക്കാതെ കാതുകള്.
ജനല്ച്ചില്ലില് മുട്ടിയടയുന്നു
കണ്ണുകള്.
നാവിന്റെ തുമ്പില് മരിക്കുന്നു
വാക്കുകള്.
നാഡീഞരമ്പാല് പിടയുന്നു വിരലുകള്.
തലയില് കനപ്പെട്ടിരിക്കുന്നു ചിന്തകള്.
നെറ്റിവിയര്പ്പായ് നനയ്ക്കുന്നു പേടികള്.
തെല്ലുനേരം വരാതെയുറക്കവും,
പല്ലുകള്ക്കിടയിലമരുന്നമര്ഷവും.
ഒട്ടുമൊരുങ്ങാതെ വന്നോരവസ്ഥയില്,
ഒട്ടിനില്ക്കുന്നതുയിരെന്നു മാത്രമായ്.
ഒന്നു രണ്ടാളു വന്നെങ്കിലെന്നായി,
ഒന്നു തളരാതെണീക്കണമെന്നായി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ