മഴ പെയ്തുണ്ടായ ചെളി.
നാടു നാറിയ ചെളി.
നായ നക്കിയ ചെളി.
ആഴമെന്തെന്നറിയാത്ത ചെളി.
ആഴമുള്ളപ്പോൾ വാഴവെക്കുന്ന ചെളി.
ഒഴുക്കിൻ്റെ കൈ കൊണ്ട് വഴിയിലുള്ളതെല്ലാം
വയറ്റിലാക്കിയ ചെളി.
നടപ്പുകാരുടെ ചെരുപ്പിനടിയിൽ
ഒളിച്ചുകേറിയ ചെളി.
പോയവരൊക്കെ വായിലുള്ളതു-
പേക്ഷിച്ചുപോയ ചെളി.
തിരക്കുള്ളവരൊക്കെ
തെറിപ്പിച്ചുപോയ ചെളി.
തെറിച്ചു വീണാലും
തിരിച്ചു വരുന്ന ചെളി.
കുരുത്തക്കേടിൻ്റെ
കയ്യിലിരിപ്പറിഞ്ഞ ചെളി.
തുണിയുടുത്തവരൊക്കെ
പൊക്കിക്കാണിച്ച ചെളി.
വീട്ടുപടി വരെ
കൂട്ടു പോകുന്ന ചെളി.
കലങ്ങിയൊടുവിൽ
നീരുതെളിയുന്ന ചെളി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ