സാമുഖ്യജീവിതം

കണ്ണെടുക്കാതെയിരിക്കേണമെന്നതും

കണ്ണടച്ചാലുമോർക്കേണമെന്നതും,

ശീലിച്ചതാരും പറഞ്ഞിട്ടുമല്ല; എന്നു

ശീലമായെന്ന് ഞാനറിഞ്ഞിട്ടുമില്ല.

ഓരോ മറുപടി കേട്ടു മടുത്തു ഞാൻ,

ഒരു മറുപടിക്കായും കാത്തു മടുത്തു ഞാൻ;

ആരോടെല്ലാം പറയേണ്ടതിന്നു ഞാൻ,

ആരോട് എല്ലാം പറയേണ്ടതിന്നു ഞാൻ.

വിരലിൻ്റെ തുമ്പിലായ് ഇന്നലെകൾ

ദുർഗ്രഹമെൻ നേർത്തൊരീ നൊടികൾ;

നിധിയില്ല, നിലയില്ല, നിശ്ചയവുമില്ലെങ്കിലും

നാളേക്കു ഞാൻ ഞാനായിരുന്നു കൊള്ളാം.