ചിന്താഭാരം

ഭാരമാകുന്ന ചിന്ത തൊട്ടുണർത്തരുത്,

എന്ന് കുത്തി നോക്കുന്ന പലക.

ഭാരിച്ച ചിന്ത തലയിൽ കേറ്റരുത്,

എന്ന് ചുറ്റുമിരിക്കുന്ന തലകൾ.

ഭരമേൽപ്പിച്ച ചിന്ത ലഘുവാക്കണം,

എന്ന് ചില്ലറ തരുന്നൊരാശാൻ.

ഭരിക്കണമെന്ന ചിന്ത തോന്നരുത്,

എന്ന് ഒപ്പമിരിക്കുന്നോരൽപർ.

ഭാരമായതൊന്നും കേറ്റാതെയിപ്പോൾ,

ലോലമായ ചിന്ത പുകയുന്നതുള്ളിൽ.

കനമില്ലാത്ത തണ്ടുപോലിന്ന് ഞാൻ,

ചെറുകാറ്റിലും വീഴുന്നമട്ടായ്.