അഹാരോഹണം

ഒരു കയറ്റം കണ്ടു.

കയറിയപ്പോ നാലാളുകണ്ടു.

ഒരു കുന്നു കണ്ടു.

കുന്നേറിയപ്പോ കുറച്ചാളുകണ്ടു.

പിന്നൊരു മല കണ്ടു.

മുകളിലെത്തുമ്പോ നിറച്ചാളുകണ്ടു.

ഒടുക്കമൊരു കൊടുമുടി കണ്ടു.

ഉച്ചിയില്ലാത്ത ഉയരം കണ്ടു.

ഒക്കെക്കണ്ടവരുടക്കും കണ്ടു.

ഏറും മുമ്പൊരിറക്കം കണ്ടു.

അതും കടന്നതിനപ്പുറവും

കടന്നു, കാണായ് കൊടുമുടിയും.

മഞ്ഞു കണ്ടു, മേഘം കണ്ടു,

മേലെ മുടിയുടെ ശൃംഗം കണ്ടു.

നെറുകയിലെത്തി ചുറ്റും കണ്ടു.

ഇനിയേറാനില്ലെന്നു കണ്ടു.

എനിക്കു കാണാനാളില്ലെന്നു കണ്ടു.

എന്നെക്കാണാനുമാരുമില്ലെന്നു കണ്ടു.